BLOG DE PRUEBAS

O persoal na Biblioteca da UDC

En posts anteriores analizamos os recursos de información na Biblioteca da UDC e os seus distintos tipos. Neste, centrarémonos no seu persoal, que facilita a conexión entre eses recursos e o usuario -fin último de toda biblioteca e os seus servizos-.

A crise económica de 2008 traduciuse na Unión Europea na apertura de varios procedementos de déficit excesivo a países do sur de Europa, obrigándoos a unha serie de reformas estruturais e axustes fiscais enmarcados na política europea de austeridade. Estes axustes derivaron en recortes na prestación de servizos públicos: peches de establecementos, conxelacións de soldos e das taxas de reposición de efectivos. Na universidade española e nos organismos públicos de investigación reducíronse presupostos en I+D+i, en paralelo coas partidas estatais dedicadas a estes fins (en 2013, un 33% menor da de 2009), aumentáronse os prezos de matrículas e os requisitos para a obtención de bolsas.

A UDC aplicou medidas específicas para evitar a repercusión deses incrementos de prezos públicos e de requisitos de bolsas aos seus alumnos, estableciéndo ademais mecanismos de axuda para estudantes con dificultades sobrevindas, e paliando así as medidas establecidas pola Xunta e o Goberno central. No referente ao Servizo de Biblioteca da UDC, a conxelación da taxa de reposición apenas tivo efectos, ao ser os seus postos de traballo, como a mesma Universidade, de nova creación, e non contar con moito persoal de idade próxima á de xubilación. Non paralizou o investimento en novas construcións do servizo, pero si que afectou os orzamentos para a adquisición de recursos electrónicos; a Xunta vén reducindo nos últimos anos as partidas dedicadas a este fin.

A BUDC dispón de 102 postos de traballo de persoal bibliotecario, fronte aos 193 de Santiago e 101 de Vigo. Na seguinte táboa pódese ver a evolución ao longo dos anos 2008-2012, na que cabe apuntar que a diminución de persoal no Sistema Universitario de Galicia (SUG) produciuse sobre todo na Biblioteca da Universidade de Santiago, a máis afectada pola conxelación da taxa de reposición de efectivos e o alto número de xubilacións.

Fonte: Red de Bibliotecas Universitarias Españolas (REBIUN)

O Servizo de Información e Coordinación renova na páxina web da Biblioteca Universitaria da Coruña os recursos destinados a facilitar o uso das bases de datos da súa Biblioteca Dixital.

No índice alfabético podedes atopar da man de cada epígrafe as iconas que vos remiten a guías de uso e titoriais. Estas amosan as pecurialidades de cada base de datos que non se desenrolan nas opcións de axuda de carácter xeral das plataformas. Por exemplo as guias de ASFA , de Business Source Premier, Proquest Dissertations & Theses, Quantor Total ; e os tutoriais de Cinhal, LION ou Tirant on Line, etc...

Algunhas plataformas proporcionan unha amplia oferta de guías específicas como CSA , EBSCO , e de titoriais e cursos en línea como é o caso de ISI Web of Knowledge , outras incluso a consulta a un experto como Engineering Village.

Encabezando cada epígrafe mantemos a información sobre cada recurso i

O resultado das vosas buscas no universo da información electrónica resultará exitoso canto máis coñezades os mecanismos e as utilidades que proporcionan os portales de acceso a dita información, de tal xeito que estos recursos constitúan un instrumento valioso para o voso traballo.

A idea é incrementar o uso do corpus electrónico que conforma a nosa Biblioteca Dixital e conquerir ratios millores de coste/eficacia, proporcionando un servizo de calidade.